ఫిబ్ర‌వ‌రిలో అర్జున్ రెడ్డి రీమేక్‌

టాలీవుడ్‌లో బ్లాక్ బ‌స్టర్ హిట్‌గా నిలిచిన అర్జున్ రెడ్డి చిత్రం ప్ర‌స్తుతం త‌మిళం, హిందీ భాష‌ల‌లో రీమేక్ అవుతున్న సంగ‌తి తెలిసిందే. త‌మిళంలో వ‌ర్మ అనే టైటిల్‌తో తెర‌కెక్కుతున్న ఈ చిత్రం హిందీలో క‌బీర్ సింగ్ అనే టైటిల్‌తో రూపొందుతుంది. చియాన్ విక్రమ్ తనయుడు ధృవ్ హీరోగా వర్మ టైటిల్ తో చిత్రం రూపొందుతుంది. బోల్డ్ కంటెంట్ తో సహజత్వ ప్రేమకథగా తమిళంలో రూపొందుతున్న ఈ సినిమాని బాల తెరకెక్కిస్తున్నాడు. నేషనల్ అవార్డు విన్నర్ రాజు మురుగున్ చిత్రానికి డైలాగ్స్ అందించాడు. తెలుగులో అర్జున్ రెడ్డి చిత్రం భారీ విజయం సాధించడంతో తమిళంలోను ఈ మూవీపై భారీ అంచనాలు ఉన్నాయి. క‌థానాయికగా బెంగాలీ భామ మేఘా చౌద‌రి న‌టిస్తుంది. ఈ చిత్రంలో ఈశ్వరీరావు ముఖ్య పాత్ర‌లో నటిస్తుంది. ఇటీవ‌ల విడుద‌లైన టీజ‌ర్‌కి భారీ రెస్పాన్స్ వ‌చ్చింది. వ‌చ్చే ఏడాది ఫిబ్రవ‌రిలో ఈ చిత్రాన్ని ప్రేక్ష‌కుల ముందుకు తీసుకు రానున్న‌ట్టు మేక‌ర్స్ పోస్ట‌ర్ ద్వారా తెలిపారు. ఈ4 ఎంటర్టైన్మెంట్స్ నిర్మిస్తున్న ఈ చిత్రానికి ఒరిజినల్ వర్షన్ కు సంగీతం అందించిన రధాన్ సంగీతం అందిస్తున్నారు.

Related Stories: