సోమవారం బాధ్యతలు స్వీకరించనున్న కేటీఆర్

హైదరాబాద్: టీఆర్‌ఎస్ వర్కింగ్ ప్రసిడెంట్ కేటీఆర్ అధ్యక్షతన తెలంగాణ భవన్‌లో టీఆర్‌ఎస్ పార్టీ రాష్ట్ర కార్యవర్గ సమావేశం ముగిసింది. అనంతరం ఎమ్మెల్సీ పల్లా రాజేశ్వర్‌రెడ్డి మాట్లాడుతూ... రాష్ట్ర కమిటీలో ఉన్న సభ్యుల ఆలోచనలు, సలహాలు స్వీకరించాం. ఓటరు నమోదు కార్యక్రమంలో కార్యకర్తలు చురుగ్గా పాల్గొనాలి. అర్హులందరీ పేర్లు ఓటరు జాబితాలో ఉండేలా చూసుకోవాలి. జనవరిలో జరిగే గ్రామపంచాయితీ ఎన్నికలకు సిద్ధం కావాలని నిర్ణయించినం. ఫిబ్రవరిలో పార్టీ సభ్యత్వ నమోదు చేపడతాం. మార్చి నుంచి పార్లమెంట్ ఎన్నికల్లో గెలుపే లక్ష్యంగా కార్యకర్తలమందరం పనిచేయాలి. తెలంగాణ భవన్లో హెల్ప్‌డెస్క్ ఏర్పాటు చేస్తాం. ఐదుగురు ఎమ్మెల్యేలు తమ నియోజకవర్గ అభివృద్ధిపై దృష్టిపెట్టాల్సి ఉన్నందున కార్యవర్గం నుంచి స్వచ్చందంగా తప్పుకున్నారు. ప్రజలకు మరింత సేవలు అందించేలా పార్టీ నిర్మాణం ఉంటుంది. సోమవారం ఉదయం 11:56 గంటలకు కేటీఆర్ టీఆర్‌ఎస్ పార్టీ వర్కింగ్ ప్రసిడెంట్‌గా బాధ్యతలు స్వీకరిస్తారని తెలిపారు.

Related Stories: