ట్రంప్‌పై ఆ రోజు హత్యాయత్నం జరిగిందా?

ఫోర్క్‌లిఫ్ట్‌ను ఉపయోగించి అమెరికా అధ్యక్షుడు డొనాల్డ్ ట్రంప్‌ను చంపాలని ప్రయత్నించినట్టు ఓ వ్యక్తి పోలీసుల ముందు అంగీకరించాడు. అయితే ఇది జరిగింది గత ఏడాది క్రితం. 2017 సెప్టెంబర్ 6న ట్రంప్ నార్త్ డకోటాలోని మండన్ సందర్శించారు. అక్కడున్న అతిపెద్ద రిఫైనరీలో జరిగిన ఓ కార్యక్రమంలో పాల్గొన్నారు. కూతురు ఇవాంకా కూడా ఆయన వెంట ఉన్నారు. సరిగ్గా అదే సమయంలో ఓ వ్యక్తి రిఫైనరీ ఆవరణలోకి అనుమతి లేకుండా ప్రవేశించడమే కాకుండా ఓ ఫోర్క్‌లిఫ్ట్‌ను చేజిక్కించుకున్నాడు. అంతకుముందే అదే ప్రాంతంలో హింసాత్మక ఘటనలకు పాల్పడ్డాడు. దాంతో పోలీసులు అతనికోసం గాలిస్తున్నారు. అమెరికా అధ్యక్షుడు వస్తున్నాడంటే సహజంగానే భద్రతా ఏర్పాట్లు కట్టుదిట్టంగా ఉంటాయి. ఆగంతకుడు భద్రతా వలయాన్ని ఛేదించలేకపోయాడు. ఫోర్క్‌లిఫ్ట్‌ను ఓ గొయ్యలో వదిలిపెట్టి పారిపోయాడు. ఆ తర్వాత అతడిని పోలీసులు పట్టుకున్నారు. అతడి పేరు గ్రెగరీ లీ లైగాంగ్ (42). గత శుక్రవారం కోర్టులో అతడు తన నేరాన్ని అంగీకరించాడు. ఫోర్క్‌లిఫ్ట్‌తో అధ్యక్షుని కారును అడ్డగించి పడదోసి చంపయడమే తన లక్ష్యమని తెలిపాడు. అతడి మానసిక స్థితి సరిగా లేదని అంటున్నారు. ఈ సరికే ఇతర నేరాలకింద లైగాంగ్‌కు శిక్షలు పడ్డాయి. ఇక ఈ కేసులో ఏ శిక్ష పడుతుందో ఏమో?

Related Stories: