ఈ ఏడాది 230 మంది టెర్రరిస్టులు హతం!

న్యూఢిల్లీ: జమ్ము కశ్మీర్‌లో ఉగ్రవాద మూకలపై పోరాడుతున్న భారత భద్రతా దళాలకు ఈ ఏడాది భారీ విజయం దక్కింది. 2018లో భారత జవాన్లు సుమారు 232 మంది తీవ్రవాదులను మట్టుబెట్టారని శనివారం ఉన్నతాధికారి ఒకరు వెల్లడించారు. ఉగ్రవాదుల కదలికలపై నిఘా వర్గాలు కచ్చితమైన సమాచారం అందించడంతో టెర్రరిస్టులకు దీటుగా భారత జవాన్లు సమాధానమిస్తున్నారు. భద్రతా బలగాలపై రాళ్లతో దాడి చేసే సంఘటనలు కూడా తగ్గుముఖం పట్టడంతో గాయాలబారిన పడే వారి సంఖ్య కూడా గణనీయంగా తగ్గిందని వివరించారు. జూన్ 25 నుంచి సెప్టెంబర్ 14 మధ్య 80 రోజుల వ్యవధిలో 51మందికి పైగా ఉగ్రవాదులు హతమయ్యారు. సెప్టెంబర్ 15 నుంచి డిసెంబర్ 5 మధ్య 85 మంది టెర్రరిస్టులను భారత జవాన్లు మట్టుబెట్టినట్లు అధికారి వివరించారు. సెక్యూరిటీ సిబ్బంది కూడా కొంతమంది మృత్యువాత పడ్డారని పేర్కొన్నారు.

Related Stories: