జగదీష్‌ రెడ్డి గెలవాలని మోకాళ్లతో దుర్గమ్మ మెట్లెక్కారు..

సూర్యాపేట: తెలంగాణ శాసనసభ ఎన్నికల ఫలితాల్లో రాష్ట్ర విద్యుత్, ఎస్సీ అభివృద్ధి శాఖల మంత్రి గుంటకండ్ల జగదీష్‌రెడ్డి అత్యధిక మెజార్టీతో గెలుపొందాలని సూర్యాపేటకు చెందిన యువకులు అన్నపూర్ణపు నరేందర్‌గౌడ్, మద్దికుంట్ల చింటు మోకాళ్లపై మెట్లెక్కారు. ఆంధ్రప్రదేశ్‌లోని విజయవాడ కనకదుర్గమ్మ ఆలయం మెట్లను మోకాళ్లపై ఎక్కి మొక్కులు చెల్లించి ప్రత్యేక పూజలు చేశారు. అన్ని మతాల దైవాలు, అన్ని రంగాల ప్రజల ఆశీర్వాదంతో మంత్రి జగదీష్‌ రెడ్డి గెలుపు ఖాయమని, విపక్షాలకు దిమ్మ తిరిగే రీతిలో భారీ మెజార్టీ కోసమే టీఆర్‌ఎస్, సీఎం కేసీఆర్, మంత్రి జగదీష్‌రెడ్డి అభిమానులమంతా ప్రత్యేక పూజలు చేస్తున్నట్లు వారు తెలిపారు.

Related Stories: