పోలింగ్ బూత్‌లో సెల్ఫీ.. వ్య‌క్తి అరెస్టు

హైద‌రాబాద్: ఓట‌ర్లు త‌మ ఓటు హ‌క్కును వినియోగించుకుంటున్నారు. అయితే హైద‌రాబాద్‌లోని రాజేంద్ర న‌గ‌ర్‌లో ఇవాళ ఓ వ్య‌క్తి ఓటు వేసిన త‌ర్వాత పోలింగ్ బూత్‌లో సెల్ఫీ తీసుకున్నాడు. అయితే పోలింగ్ స్టేష‌న్‌లో సెల్ఫీ దిగిన అత‌న్ని పోలీసులు అరెస్టు చేశారు. సెల్ఫీ దిగిన ఓట‌రును శివ శంక‌ర్‌గా గుర్తించారు. ఎన్నిక‌ల ఆఫీస‌ర్ ఒక‌రు ఫిర్యాదు న‌మోదు చేశారు. ఐపీసీ సెక్ష‌న్ 188 కింద కేసును బుక్ చేసిన‌ట్లు శంషాబాద్ డీసీపీ ఎన్‌. ప్ర‌కాశ్ రెడ్డి తెలిపారు. మ‌రోవైపు బ్యాడ్మింట‌న్ ప్లేయ‌ర్ గుత్తా జ్వాల త‌న ఓటు మిస్సైన‌ట్లు ఆరోపించారు. మూడు వారాల క్రితం ఆన్‌లైన్‌లో చూసిన‌ప్పుడు త‌న‌కు ఓటు ఉంద‌ని, కానీ ఇప్పుడు పోలింగ్ బూత్‌కు వెళ్లిన త‌ర్వాత ఓటు లేద‌ని తెసిన‌ట్లు ఆమె చెప్పారు. గత 12 ఏళ్లుగా తాను ఇక్క‌డే ఉంటున్న‌ట్లు గుత్తా జ్వాలా తెలిపారు.

Related Stories: