ఒంటరిగానే టీఆర్ఎస్ అధికారంలోకి : ఎంపీ ఓవైసీ

హైదరాబాద్ : తెలంగాణ రాష్ట్ర సమితి ఒంటరిగానే అధికారంలోకి వస్తుందని ఎంఐఎం ఎంపీ అసదుద్దీన్ ఓవైసీ స్పష్టం చేశారు. ప్రగతి భవన్ లో సీఎం కేసీఆర్ తో సమావేశం ముగిసిన అనంతరం ఓవైసీ మీడియాతో మాట్లాడారు. పూర్తి మెజార్టీతో టీ ఆర్ ఎస్ ప్రభుత్వం ఏర్పడనుందని తెలిపారు. ప్రభుత్వాన్ని ఏర్పాటు చేసేందుకు ఇతర పార్టీల మద్దతు టీఆర్ఎస్ కు అవసరం లేదు. ఈ విషయంలో ఎలాంటి సందేహం అక్కర్లేదన్నారు. అయినప్పటికీ తాము కేసీఆర్ వెంటనే ఉంటామని ఉద్ఘాటించారు. తెలంగాణ ప్రజలంతా కేసీఆర్ ను ఆశీర్వదిస్తున్నారని.. ఆయన వెంటనే ఉన్నారని తెలిపారు. తెలంగాణలో మరోసారి కేసీఆర్ సీఎం కానున్నారు. ఎంఐఎం నుంచి 8 మంది కచ్చితంగా గెలుస్తారని ధీమా వ్యక్తం చేశారు. భారతీయ జనతా పార్టీ బలమేంటో రేపు తేలిపోతుందన్నారు. రేపు మరోసారి సీఎం కేసీఆర్ ను కలుస్తానని ఓవైసీ పేర్కొన్నారు.

Related Stories: