కొడుకును చూసి ఇంటికి వెళ్తుండగా.. వృద్ధుడు మృతి

హైదరాబాద్ : అతివేగం... ఓ వృద్ధుడి ప్రాణాలు తీసింది. దవాఖానలో చికిత్స పొందుతున్న కుమారుడిని చూసి.. తిరిగి ఇంటికి వెళ్తున్న క్రమంలో వేగంగా దూసుకువచ్చిన గుర్తుతెలియని వాహనం ఢీకొని అతను మృతి చెందాడు. సైఫాబాద్ పోలీసులు తెలిపిన వివరాల ప్రకారం.. లాల్ దర్వాజలో నివాసముంటున్న రామ్‌కిషన్ శర్మ(70) గురువారం సాయంత్రం ఇంటర్ చదువుతున్న మనమరాలితో కలిసి కిమ్స్ దవాఖానలో చికిత్స పొందుతున్న కొడుకును పరామర్శించేందుకు వెళ్లాడు. తిరిగి ద్విచక్రవాహనం (ఏపీ 11జీ 1510)పై తిరిగి తెలుగుతల్లి ైఫ్లెఓవర్ మీదుగా వెళ్తుండగా, లుంబినీ పార్కు నుంచి ఆదర్శనగర్‌కు వెళ్తున్న వాహనం వేగంగా దూసుకువచ్చి అతన్ని ఢీకొట్టింది. ఈ ప్రమాదంతో రామ్‌కిషన్ శర్మ తలకు తీవ్ర గాయం కావటంతో అక్కడికక్కడే మృతిచెందాడు. కుటుంబ సభ్యుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.

Related Stories: