తిరుమల శ్రీవారి స్వర్ణ రథోత్సవం లో పాల్గొన్న హరీష్ రావు

హైదరాబాద్ : వైకుంఠ ఏకాదశి పర్వదినాన హరీష్ రావు తిరుపతి వెంకన్న వెంకటేశ్వర స్వామిని దర్శించుకున్నారు. వైకుంఠ ఏకాదశి సందర్భంగా ఆలయ ఈవోతో కలసి స్వర్ణ రథోత్సవంలో పాల్గొన్నారు. అనంతరం హరీష్ రావు మీడియాతో మాట్లాడుతూ..తెలంగాణ రాష్ట్ర ప్రజలు సుభిక్షంగా ఉండాలని కోరుకున్నట్లు తెలిపారు. శ్రీవారి అనుగ్రహముతో సీఎం కేసీఆర్ గారు మరో సారి ముఖ్యమంత్రి అయ్యారని పేర్కొన్నారు. వారి ఆశీస్సులతో ప్రజలకు సేవ చేసే గొప్ప కార్యం దక్కిందన్నారు. స్వామివారి దీవేనలతో కాళేశ్వరం ప్రాజెక్టు పూర్తి చేసుకుని, సీఎం కేసీఆర్ నాయకత్వంలో తెలంగాణ రాష్ట్రం సస్యశ్యామలం కాబోతోందన్నారు. ప్రజలకు మరింత సేవ చేసే భాగ్యం కలిగించిన శ్రీవారికి మొక్కు తీర్చుకోవడం జరిగిందన్నారు.

Related Stories: