మద్యానికి డబ్బు ఇవ్వలేదని తల్లికి నిప్పు

బెంగళూరు : మద్యం సేవించేందుకు డబ్బు ఇవ్వలేదని ఓ యువకుడు తన తల్లికే నిప్పు పెట్టాడు. ఈ సంఘటన బెంగళూరులో చోటు చేసుకుంది. బెంగళూరుకు చెందిన ఉత్తమ్ కుమార్(20) అనే యువకుడు మద్యానికి బానిస అయ్యాడు. అయితే మద్యం సేవించేందుకు డబ్బులు ఇవ్వాలని తన తల్లితో ఆ యువకుడు గొడవపడ్డాడు. ఆమె డబ్బులు ఇచ్చేందుకు నిరాకరించడంతో.. కోపం పెంచుకున్న కొడుకు.. తల్లిపై కిరోసిన్ పోసి నిప్పు పెట్టాడు. దీంతో తీవ్ర గాయాలపాలైన బాధితురాలిని ఆమె భర్త చికిత్స నిమిత్తం ఆస్పత్రికి తరలించాడు. ప్రస్తుతం బాధితురాలి పరిస్థితి నిలకడగా ఉందని వైద్యులు తెలిపారు. ఈ ఘటనపై కేసు నమోదు చేసుకున్న పోలీసులు దర్యాప్తు చేపట్టారు. ఉత్తమ్ కుమార్ కోసం పోలీసులు గాలిస్తున్నారు.

Related Stories: