మోదీకి జ‌ల‌క్‌.. కేంద్ర మంత్రి ఉపేంద్ర రాజీనామా

న్యూఢిల్లీ: కేంద్ర మంత్రి ఉపేంద్ర కుష్వాహ్ .. ప్ర‌ధాని మోదీ టీమ్ నుంచి త‌ప్పుకున్నారు. మాన‌వ వ‌న‌రుల శాఖకు కేంద్ర స‌హాయ మంత్రిగా ఉన్న ఆయ‌న‌.. త‌న మంత్రి ప‌ద‌వికి రాజీనామా చేశారు. ఈ విష‌యాన్ని ఆయ‌న ఇవాళ వెల్ల‌డించారు. వ‌చ్చే పార్ల‌మెంట్ ఎన్నిక‌ల నేప‌థ్యంలో.. త‌మ పార్టీతో సీట్ల పంప‌కం స‌రిగా జ‌ర‌గ‌లేద‌ని ఆయ‌న ఆరోపించారు. బీహార్‌లోని రాష్ట్రీయ లోక్ స‌మ‌తా పార్టీకి చెందిన ఆయ‌న‌.. మోదీ ప్ర‌భుత్వ వ్య‌వ‌హార‌శైలిపై ఆగ్ర‌హంతో ఉన్నారు. అయిదేళ్ల క్రితం ఎన్డీఏలో క‌లిశామ‌ని, ఎన్నో ఆశ‌ల‌తో చేరామ‌ని, బీహార్ ప్ర‌జ‌ల‌కు ఎన్నో హామీలు ఇచ్చారు, కానీ వాటిని అమ‌లు చేయ‌లేక‌పోయార‌ని, అందుకే రాజీనామా చేస్తున్న‌ట్లు త‌న లేఖ‌లో తెలిపారు. ఆర్ఎల్ఎస్పీ పార్టీకి బీహార్ ఎంపీ సీట్ల‌లో కేవ‌లం రెండు సీట్లు మాత్ర‌మే కేటాయించేందుకు మోదీ నిర్ణ‌యించారు. దీంతో కేంద్ర‌మంత్రి ఉపేంద్ర ఎన్డీఏకు గుడ్‌బై చెప్పారు. ఇవాళ ఉద‌యం కాంగ్రెస్ పార్టీ అధ్య‌క్షుడు రాహుల్ గాంధీని కూడా క‌లిశారు. బీజేపీతో క‌లిసి ప‌నిచేస‌ది లేద‌న్న విష‌యాన్ని ఉపేంద్ర ఇవాళ వెల్ల‌డించ‌నున్నారు.

Related Stories: