రేపు ఉద‌యం 8 గంట‌ల‌కు కౌంటింగ్ ప్రారంభం..

హైద‌రాబాద్ : రాష్ట్ర‌వ్యాప్తంగా కౌంటింగ్ కు అన్ని ఏర్పాట్లు పూర్తి చేశామ‌ని రాష్ట్ర ఎన్నిక‌ల ప్ర‌ధానాధికారి ర‌జ‌త్ కుమార్ అన్నారు. మీడియా స‌మావేశంలో ఆయ‌న మాట్లాడుతూ..రేపు ఉద‌యం 8 గంట‌ల‌కు ఎన్నిక‌ల కౌంటింగ్ ప్రారంభ‌మ‌వ‌తుంద‌ని చెప్పారు. ముందుగా పోస్ట‌ల్ బ్యాలెట్లు లెక్కిస్త‌మ‌ని అన్నారు. ఎన్నిక‌ల కౌంటింగ్ నేప‌థ్యంలో రేపు సెల‌వురోజుగా ప్ర‌క‌టించాం. మ‌ధ్యాహ్నం 1 గంట వ‌ర‌కు కౌంటింగ్ ఫ‌లితాలు తెలిసే అవ‌కాశ‌ముంది. కౌంటింగ్ కేంద్రాల వ‌ద్ద దాదాపు 20 వేల మంది పోలీసుల‌తో భ‌ద్ర‌త ఏర్పాటు చేశాం. రాష్ట్ర‌వ్యాప్తంగా 43 లెక్కింపు కేంద్రాలు ఏర్పాటు చేశామ‌ని..హైద‌రాబాద్ లో 13, మిగ‌తా జిల్లాల్లో ఒక్కొక్క‌టిగా ఉన్నాయి. కౌంటింగ్ కేంద్రానికి మొబైల్ అనుమ‌తి లేదు. లెక్కింపు పూర్త‌యే వ‌ర‌కు కౌంటింగ్ ఏజెంట్లు బ‌య‌ట‌కు వెళ్లేందుకు అనుమ‌తించ‌మ‌న్నారు. 42 రౌండ్ల‌లో శేరిలింగంప‌ల్లి ఓట్ల లెక్కింపు. కౌంటింగ్ కేంద్రాల్లోకి పెన్ను త‌ప్ప ఏవీ తీసుకెళ్ల‌కూడ‌ద‌న్నారు. కౌంటింగ్ కేంద్రాల వ‌ద్ద 144 సెక్ష‌న్ అమ‌లులో ఉంటుంద‌న్నారు. 2379 రౌండ్స్‌లో లెక్కింపు పూర్త‌వుతుంది.లెక్కింపును 1916 మంది మైక్రో అబ్జ‌ర్వ‌ర్ల‌తో ప‌ర్య‌వేక్షించ‌డం జ‌రుగుతుంద‌ని చెప్పారు.

సీఈసీ ఆదేశాల‌తో భ‌ద్ర‌తా ఏర్పాట్లు:

తెలంగాణ ఎన్నిక‌లు చాలా ప్ర‌శాంతంగా జ‌రిగాయి. కేంద్ర ఎన్నిక‌ల సంఘం ఆదేశాల మేర‌కు భ‌ద్ర‌తా ఏర్పాట్లు చేసిన‌ట్లు శాంతి భ‌ద్ర‌త‌ల విభాగం ఐజీ జితేంద‌ర్ తెలిపారు. ఆయ‌న మీడియా స‌మావేశంలో మాట్లాడుతూ..రాష్ట్ర‌, కేంద్ర‌బ‌ల‌గాల‌తో రేపు కౌంటింగ్ కేంద్రాల ద‌గ్గ‌ర బందోబ‌స్తు ఏర్పాటు చేసిన‌ట్లు చెప్పారు. ప్ర‌తీ కౌంటింగ్ కేంద్రాల ద‌గ్గ‌ర సీసీ కెమెరాలు ఏర్పాటు చేసిన‌ట్లు పేర్కొన్నారు. నిర్దేశించిన స్థ‌లంలోనే రాజ‌కీయ నాయ‌కులు, మీడియా ఉండాలి. ప్ర‌జ‌లు, మీడియా అన్ని రాజ‌కీయ పార్టీలు పోలీసుల‌కు స‌హ‌క‌రించాల‌ని ఆయ‌న విజ్ఞ‌ప్తి చేశారు.

Related Stories: