ఉర్జిత్‌ను మెచ్చుకున్న మోదీ, జైట్లీ

న్యూఢిల్లీ : ఆర్బీఐ గ‌వ‌ర్న‌ర్ ఉర్జిత్ ప‌టేల్ ఇవాళ రాజీనామా చేశారు. దానిపై ప్ర‌ధాని మోదీ స్పందించారు. ఆందోళ‌న‌క‌రంగా ఉన్న బ్యాంకింగ్ వ్య‌వ‌స్థ‌ను ఉర్జిత్ ఓ దిశ‌కు తీసుకువ‌చ్చార‌ని మోదీ అన్నారు. ఉన్న‌త సామ‌ర్థ్యం ఉన్న ఆర్థిక‌వేత్త ఉర్జిత్ ప‌టేల్ అని, స్థూల ఆర్థిక అంశాల‌పై చాలా లోత‌నైన అవ‌గాహ‌న ఉంద‌ని ప్ర‌ధాని త‌న ట్వీట్‌లో తెలిపారు. బ్యాంకింగ్ వ్య‌వ‌స్థ‌లో క్ర‌మ‌శిక్ష‌ణ తీసుకువ‌చ్చార‌న్నారు. ఉర్జిత్ నేతృత్వంలో బ్యాంకుల‌కు ఆర్థిక స్థిర‌త్వం కూడా వ‌చ్చింద‌న్నారు. ఆర్బీఐలో డిప్యూటీ గ‌వ‌ర్న‌ర్‌, గ‌వ‌ర్న‌ర్‌గా మొత్తం ఆరేళ్ల పాటు ఉర్జిత్ ప‌నిచేశారు. ఉర్జిత్ సేవ‌ల‌ను ప్ర‌భుత్వం గుర్తిస్తుంద‌ని ఆర్థిక మంత్రి అరుణ్ జైట్లీ ట్వీట్ చేశారు. ప‌బ్లిక్ స‌ర్వీసులో మ‌రి కొన్ని సంవ‌త్స‌రాలు ఆయ‌న ఉండాల‌ని జైట్లీ తెలిపారు.

Related Stories: