టీజ‌ర్‌తో దుమ్మురేపిన ఎన్టీఆర్

జూనియర్ ఎన్టీఆర్, పూజా హెగ్డే ప్రధాన పాత్రలలో త్రివిక్రమ్ తెరకెక్కిస్తున్న చిత్రం అరవింద సమేత. రాయలసీమ బ్యాక్ డ్రాప్ లో షూటింగ్ జరుపుకుంటున్న ఈ చిత్రం దసరా కానుకగా విడుదల కానుంది. కొద్ది రోజులుగా చిత్రానికి సంబంధించి లీకు అవుతున్న ఫోటోలు యూనిట్ ని కలవర పెడుతున్నాయి. షూటింగ్ సమయంలోనే కాదు ఎడిటింగ్ చేసే సమయంలోను మూవీ సీన్స్ కి సంబంధించిన ఫోటోలు లీకు అవుతున్నాయి. దీనిని మేకర్స్ చాలా సీరియ‌స్ తీసుకుంటున్నారు. అయితే కొద్ది సేప‌టి క్రితం స్వాతంత్య్ర‌దినోత్సవ శుభాకాంక్ష‌ల‌తో టీజ‌ర్ విడుద‌ల చేశారు. ఇందులో జ‌గ‌ప‌తి బాబు డైలాగ్స్‌, ఎన్టీఆర్ చెప్పిన డైలాగ్స్ సినిమాపై భారీ అంచనాలు పెంచుతున్నాయి. కంట ప‌డ్డావా క‌నిక‌రిస్తానేమో, వెంట‌ప‌డ్డానా న‌రికేస్తా అంటూ ఎన్టీఆర్ చెప్పిన డైలాగ్ అభిమానుల రోమాలు నిక్క‌పొడుచుకునేలా చేస్తున్నాయి. ‘అరవింద సమేత’ చిత్రంలో ఎన్టీఆర్ రెండు విభిన్న పాత్రలలో కనిపించనున్నాడని జోరుగా ప్రచారం జరుగుతుంది. ప్రధమార్ధంలో సిద్ధార్ధ్ గౌతమ్ పాత్రలో కనిపించనున్న ఎన్టీఆర్ ద్వితీయార్ధంలో వీర రాఘవగా కనిపించి అలరించనున్నాడట. సెకండాఫ్ లో ఎన్టీఆర్ పాత్ర పవర్ఫుల్ గా ఉండడంతో పాటు ఇది పూర్తి రాయలసీమ నేపథ్యంలో ఉంటుందని సమాచారం.
× RELATED వంతెన పైనుంచి మహానదిలో పడ్డ బస్సు