నూతన స్మార్ట్‌వాచ్, స్మార్ట్‌బ్యాండ్‌లను విడుదల చేసిన హువావే

మొబైల్స్ తయారీదారు హువావే తన నూతన స్మార్ట్‌వాచ్ అమేజ్‌ఫిట్ పేస్‌ను, స్మార్ట్‌బ్యాండ్ అమేజ్‌ఫిట్ కోర్ ఫిట్‌నెస్ బ్యాండ్‌ను తాజాగా విడుదల చేసింది. రూ.3,999 ధరకు అమేజ్‌ఫిట్ కోర్ ఫిట్‌నెస్ బ్యాండ్ లభిస్తుండగా, రూ.9,999 ధరకు అమేజ్‌ఫిట్ పేస్ స్మార్ట్‌వాచ్ లభిస్తున్నది. ఈ రెండు డివైస్‌లను అమెజాన్ సైట్‌లో వినియోగదారులు ప్రత్యేకంగా కొనుగోలు చేయవచ్చు.

అమేజ్‌ఫిట్ కోర్ ఫిట్‌నెస్ బ్యాండ్‌లో 1.23 ఇంచ్ కలర్ టచ్ స్క్రీన్ డిస్‌ప్లే, గొరిల్లా గ్లాస్ ప్రొటెక్షన్, ఈ-మెయిల్స్, కాల్స్, మెసేజెస్, యాప్ నోటిఫికేషన్స్, హార్ట్ రేట్ సెన్సార్, స్లీప్ ట్రాకర్, 170 ఎంఏహెచ్ బ్యాటరీ, 12 రోజుల బ్యాటరీ లైఫ్ తదితర ఫీచర్లు ఉన్నాయి. అలాగే అమేజ్‌ఫిట్ పేస్ స్మార్ట్‌వాచ్‌లో 1.34 ఇంచ్ ఆల్వేస్ ఆన్ ఎల్‌సీడీ టచ్ స్క్రీన్ డిస్‌ప్లే, 320 x 300 పిక్సల్స్ స్క్రీన్ రిజల్యూషన్, 1.2 గిగాహెడ్జ్ డ్యుయల్ కోర్ ప్రాసెసర్, 512 ఎంబీ ర్యామ్, 4 జీబీ ఇంటర్నల్ స్టోరేజ్, కాల్స్, మెసేజెస్, ఈ-మెయిల్స్, యాప్స్ నోటిఫికేషన్లు, 12 రకాల స్పోర్ట్స్ మోడ్స్, జీపీఎస్, హార్ట్ రేట్ సెన్సార్, బ్లూటూత్ 4.0 ఎల్‌ఈ, ఐపీ 67 వాటర్, డస్ట్ రెసిస్టెన్స్, 290 ఎంఏహెచ్ బ్యాటరీ, 5 రోజుల బ్యాటరీ లైఫ్ తదితర ఫీచర్లు ఉన్నాయి.

× RELATED రేపు నగరంలో ట్రాఫిక్ అంక్షలు..