ఓటమితో మరో చెత్త రికార్డు మూటగట్టుకున్న కోహ్లి

పెర్త్: ఆస్ట్రేలియా సిరీస్‌లో తొలి టెస్టే గెలిచిన అరుదైన ఘనతను విరాట్ కోహ్లి అడిలైడ్‌లో సొంతం చేసుకున్న సంగతి తెలుసు కదా. అయితే దానికి భిన్నంగా పెర్త్‌లో మాత్రం ఓ చెత్త రికార్డును అతను మూటగట్టుకున్నాడు. ఈ మ్యాచ్‌లో 146 పరుగులతో టీమిండియా దారుణంగా ఓడిపోయింది. చివరి రోజు 287 రెండో ఇన్నింగ్స్‌లో 140 పరుగులకే కుప్పకూలింది. ఈ ఓటమితో టీమిండియా లెజెండరీ కెప్టెన్ ఎంఏకే పటౌడీ పేరిట మాత్రమే ఇన్నాళ్లూ ఉన్న ఓ చెత్త రికార్డును కోహ్లి సొంతం చేసుకున్నాడు. కోహ్లి కెప్టెన్సీలో నాలుగో ఇన్నింగ్స్‌లో టార్గెట్ చేస్తూ టీమ్ ఓడిపోవడం ఇది తొమ్మిదోసారి. గతంలో పటౌడీ కెప్టెన్సీలోనే ఈ రికార్డు ఉండగా.. ఇప్పుడు కోహ్లి కూడా అతని సరసన నిలిచాడు. అంతేకాదు విదేశాల్లో ఈ ఏడాది టీమిండియాకు ఇది ఏడో ఓటమి. గతంలో 2014లో ఆరు ఓటములతో ఉన్న రికార్డును కోహ్లి బ్రేక్ చేశాడు. మరోవైపు కోహ్లి చెత్త రికార్డు మూటగట్టుకున్న ఈ టెస్ట్‌లోనే ఆస్ట్రేలియా కెప్టెన్ టిమ్ పేన్ మాత్రం తన తొలి టెస్ట్ విజయాన్ని అందుకోవడం విశేషం. నాలుగు టెస్ట్‌ల సిరీస్‌లో 1-1తో సమంగా ఉండగా.. మూడో టెస్ట్ ఈ నెల 26 నుంచి మెల్‌బోర్న్‌లో జరగనుంది.

Related Stories: