పిరమిడ్‌పై నగ్నంగా ఫొటోలు దిగిన జంటపై ఈజిప్టు కేసు

డెన్మార్క్‌కు చెందిన ఓ జంట గ్రేట్ పిరమిడ్‌పైకి ఎక్కడమే కాకుండా నగ్నంగా ఫొటోలు, వీడియోలు దిగి యూట్యూబ్‌లో పెట్టడంపై దుమారం రేగుతున్నది. ఈ ఘటనపై దర్యాప్తునకు ఆదేశించారు. పిరమిడ్‌లను చూసేందుకు మాత్రమే అనుమతి ఉంది. దానిపైకి ఎక్కేందుకు అనుమతించరు. అలాంటిది డేనిష్ జంట (ఆండ్రియాస్ హవిద్, అతని వెంట ఉన్న మహిళ) రాత్రిపూట గ్రేట్ ఖూఫూ పిరమిడ్‌ను అధిరోహించింది. పైకి వెళ్లిన తర్వాత మహిళ టీషర్టును తీసేయడంపై ఫొటోషూట్ జరిగింది. తర్వత ఇద్దరూ పూర్తి నగ్నంగా మారి బూతువీడియో తీసుకున్నారు. దీనికి సంబంధించిన 3 నిమిషాల వీడియో యూట్యూబ్‌లో పెట్టారు. ఈ ప్రవర్తనపై ఈజిప్షియన్లు మండిపడుతున్నారు. పురావస్తు శాఖమంత్రి ఖాలిద్ అల్-అనానీ ఈ ఘటనపై అటార్నీ జనరల్ దర్యాప్తునకు ఆదేశించారు. డేనిష్ ఫొటోగ్రాఫర్ ఆండ్రియాస్ హవిద్ ప్రముఖ పర్యాటక స్థలాల్లో వివాదాస్పదమైన ఫొటోలు దిగి సోషల్‌మీడియాలో పెట్టడం ఓ సరదా. గతంలో ఇలాంటి జిమ్మిక్కులు చాలానే చేశాడు. కానీ తాజాగా ఈజిప్టులో చేసిన ప్రయోగం బెడిసికొట్టింది.

Related Stories: