రౌడీ ఆటోడ్రైవర్...

తొలినాళ్ల నుంచి సినిమాల ఎంపికలో వైవిధ్యతకు ఎక్కువగా ప్రాధాన్యతనిస్తున్నది సాయిపల్లవి. తమిళ చిత్రం మారి-2 కోసం ఆటోడ్రైవర్‌గా అవతారమెత్తింది ఈ సొగసరి. ఆమె ఫస్ట్‌లుక్ పోస్టర్‌ను చిత్రబృందం ఇటీవల విడుదలచేసింది. ఇందులో ముక్కుపుడక, మెడలో రుద్రాక్ష ధరించి ఖాకీచొక్కాతో మాస్‌లుక్‌లో కనిపిస్తున్నది సాయిపల్లవి. అరత్తు ఆనంది అనే ఆటోడ్రైవర్‌గా సాయిపల్లవి ఈ సినిమాలో కనిపించబోతున్నట్లు దర్శకుడు బాలాజీ మోహన్ తెలిపారు. రౌడీ మనస్తత్వం కలిగిన అల్లరి అమ్మాయిగా ఆమె పాత్రచిత్రణ నవ్యరీతిలో ఉంటుందని అన్నారు. 2015లో విజయవంతమైన మారి చిత్రానికి కొనసాగింపుగా రూపొందుతున్న చిత్రమిది. ధనుష్ కథానాయకుడిగా నటిస్తూ స్వీయ నిర్మాణ సంస్థ వండర్‌బార్ ఫిలిమ్స్ పతాకంపై ఈ చిత్రాన్ని నిర్మిస్తున్నారు.