గూఢచారికి సీక్వెల్!

అడివి శేష్ నటించి కథ అందించిన చిత్రం గూఢచారి. తక్కువ బడ్జెట్‌తో అత్యున్నత ప్రమాణాలతో శశికిరణ్ తిక్క తెరకెక్కించిన ఈ చిత్రం బాక్సాఫీస్ వద్ద అనూహ్య విజయాన్ని సాధించి నిర్మాతకు లాభాల పంట పండించింది. ఈ సినిమా ఇచ్చిన ఉత్సాహంతో దీనికి సీక్వెల్‌ను తెరపైకి తీసుకొచ్చే ప్రయత్నాలు మొదలయ్యాయి. అడివి శేష్ హీరోగా నటిస్తూ కథ అందించనున్నాడు. కాగా ఈ సీక్వెల్‌కు రాహుల్ పాకాల దర్శకత్వం వహించనున్నాడని తెలిసింది. తొలి భాగంలో కీలక పాత్రల్లో నటించిన ప్రకాష్‌రాజ్, సుప్రియ సీక్వెల్‌లోనూ నటించనున్నారని చిత్ర వర్గాల సమాచారం. ప్రస్తుతం స్క్రిప్ట్ వర్క్ దశలో వున్న ఈ చిత్రాన్ని త్వరలోనే సెట్స్‌పైకి తీసుకురానున్నట్లు తెలిసింది.